ກອນທັມ

ກອນທັມ

ສິ່ງສຳຄັນຍິ່ງໃຫຍ່ໃນຊີວິດ                                         ຄືທຳໃຈຂອງຕົນໃຫ້ຜ່ອງໃສ

ບໍ່ໂລບ ໂກດ ຫຼົງມົວເມົາເອົາສິ່ງໃດ                                ຮັກສາໃຈໄດ້ສຸກສັນນິລັນດອນ

ໃຜຮັກ                                ໃຜຊັງ                                 ສ່າງເຖີດ

ໃຜເຊີດ                               ໃຜຊູ                                  ສ່າງເຂົາ

ໃຜດ່າ                                ໃຜບົ່ນ                                ທົນເອົາ

ໃຈເຮົາ                                ຮົ່ມເຢັນ                             ເປັນພໍ

ທຸກຂ໌ເທົ່ານັ້ນເກີດຂຶ້ນ                                                       ທຸກຂ໌ເທົ່ານັ້ນຕັ້ງຢູ່

ທຸກຂ໌ເທົ່ານັ້ນດັບໄປ                                                         ນອກຈາກທຸກຂ໌

ບໍ່ມີແມ່ນຫຍັງເກີດ                                                          ບໍ່ມີແມ່ນຫຍັງດັບ

ຢ່າຄຳນຶງເຖິງອະດີດຜ່ານໄປແລ້ວ                                  ອະນາຄົດເຮົາຍັງເບິ່ງບໍ່ເຫັນ

ປັດຈຸບັນເປັນສິ່ງຈຳເປັນ                                            ຈົ່ງກະເກນ ຮີບເຮັດ ປະຈຳວັນ

ອັນຊັບສິນຖິ່ນຖານທັງບ້ານຊ່ອງ                           ອີກເງິນທອງໄຮ່ນາມະຫາສານ

ເປັນສົມບັດຂອງຕົວໄດ້ຊົ່ວການ                                   ຈະຕ້ອງຜ່ານຈາກກັນເມື່ອວັນຕາຍ

ສ່ວນຄວາມດີມີຄວາມສັຈສົມບັດແທ້                      ເຖິງຕົວແກ່ກາຍດັບບໍ່ລັບຫາຍ

ຈະສະຖິດຕິດແໜ້ນແທນຮ່າງກາຍ                                ຊົນທັງຫຼາຍສັນລະເສີນຈະເລີນພອນຯ

ຄວາມບໍ່ປະໝາດເປັນຫົນທາງບໍ່ຕາຍ                               ຄວາມປະໝາດເປັນທົນແຫ່ງຄວາມຕາຍ

ສ່ວນຜູ້ບໍ່ປະໝາດແລ້ວ ຍ່ອມຕາຍເໝືອນບໍ່ຕາຍ                  ແມ່ນຜູ້ໃດປະໝາດແລ້ວ ກໍ່ເໝືອນຄົນຕາຍແລ້ວ

ຄິດເທົ່າໃດ ໆ ກໍບໍ່ຮູ້                            ຕໍ່ເມື່ອຢຸດຄິດຈິ່ງຮູ້                   ແຕ່ຕ້ອງອາໄສຄິດ

ບໍ່ມີໃຜຕັດໃຫ້ຂາດໄດ້ດອກ                    ມີແຕ່ຮູ້ທັນ                           ເມື່ອຮູ້ທັນມັນກໍດັບໄປເອງ